工作分享

下午，見一名女case及其父親，15歲的她意外懷孕並且決定繼續懷孕。

我：聽完xxx講，不如爸爸都講下你嘅感受，會唔會好擔心？
xxx爸爸：我點會唔擔心（下刪100字擔心），但我都唔會反對佢。
我：爸爸我都好奇，既然有咁多擔心，點解都支持xxx的決定？
（xxx已經開始流淚）
xxx爸爸：點解唔反對？（靜了十幾秒）因為我最錫佢……（停了數秒，眼睛泛紅）我知道呢個時候連我都唔支持佢……佢嘅處境會更加慘……我一定要支持佢。
我：xxx你聽完爸爸的感受，有無咩想回應？
（xxx望著爸爸，哭成淚人）

我感受到強烈的愛與包容。在旁的我也感動得有點點淚光，然後，我也開始對xxx的決定多一點信心。