組band時間

事隔一年多，終於正正真真去學結他了。其實也不是只學結他，是和一眾朋友一起學夾band，每人學一種樂器，然後，以很快的速度，夾一首歌。呢一次「去夾band」好ad hoc，我最鐘意呢一種「坐言起行」的感覺。導師也是很重要的，人選一早就有，就是我們經常合作的阿sir。看著阿sir教我們的青少年夾band，自己心中想學樂器的心又開始作怪，於是，就學喇！


學了兩堂，我當然揀選了電結他喇（其實我又唔係真係好鍾意電結，只係覺得學得識電結，彈木結就會易一點！）。第一堂大家都算玩下不同的樂器，一齊都算下玩bass、電結同鼓。打鼓比我想像中好玩，不過無咩腳骨力ge我打幾下已經覺得好疲累，所以，我最後還也選擇「他」。

第二堂阿sir就教我地一人玩一種樂器，首先學返少少基本樂理，好彩仲記得CDEFGABC，學下分Major/Minor。之後學do re me fa so la ti do，可能真係學過琵琶有少少幫助，好快就彈到；再學chord，手指尾都用埋，好記得阿sir叫我地一齊彈下時我地成班一度不安大叫的情況，阿sir都笑到無眼睇。

音樂真的令人很快樂，慶好找到一個好好人又有心的阿sir，找到一班一起玩的朋友，大家一齊由零開始。我相信我們會夾得好！

我們的第一首歌「倔強 - 五月天」。